Өглөө.мн Шинэ өглөө, Шинэ мэдээлэл
“Дайны эрсдлийн сан” хэмээх хуурамч данс үүсгэн, их хэмжээний мөнгө угаасан гэх хэрэгт буруутгагдаад буй МИАТ-ийн экс удирдлагууд болох Б.Эрдэнэбилэг, Б.Бат-Эрдэнэ, Ц.Орхон, Ч.Хоролсүрэн нарын зургаан хүнд холбогдох хяналтын шатны шүүх хурал Дээд шүүхэд болж байна.
Тэдэнд анхан болон давж заалдах шатны шүүхээс тус бүр 10-аас дээш жилийн хорих ял оноосныг эсэргүүцэн хяналтын шатны шүүхэд шүүгдэгч нар гомдол гаргасан дагуу тус шүүх хурал болж байгаа юм.
Тодруулбал, анхан болон давж заалдах шатны шүүхээс МИАТ-ийн захирал асан Б.Эрдэнэбилэгт 13 жил нэг сар, Б.Бат-Эрдэнэд 12.1 жил, Ц.Орхонд 11 жил, дэд захирлаар ажиллаж байсан Ч.Хоролсүрэнд 13.1 жил, Ч.Хоролсүрэнгийн дүү, “Монголиан эйрлайнс” группийн захирал асан Ч.Суурьтогтоход 10.1 жил, 1997-2007 онд “Голомт” банкны зургадугаар салбарын захирлаар ажиллаж байсан Г.Саранчимэгт 11 жил нэг сарын хорих ял тус тус оноосон билээ.
