Өглөө.мн Шинэ өглөө, Шинэ мэдээлэл
Хилийн тагнуулын газарт өнгөрсөн 10 дугаар сарын 30-ны өдөр Дорноговь аймгийн Замын-Үүд дэх авто замын шалган нэвтрүүлэх боомтоор Монгол Улсын иргэн Б гэгч “Marlboro” тамхины хайрцагт 0,976 грамм IСЕ буюу Мөс гэх мансууруулах үйлчилгээтэй бодис авч явсныг илрүүлжээ.
Тэрээр БНХАУ-ын Эрээн хотоос хар тамхийг тосон авч Замын-Үүд дэх авто замын шалган нэвтрүүлэх боомтоор дамжуулан Улаанбаатар хотод хүргэх үүрэгтэй “тээвэрлэгч” байсан гэнэ.
Тухайн хэрэг нь хүнд гэмт хэрэгт тооцогдох учир гэмт этгээдийг Нийслэлийн прокурорт шилжүүлэхээр ЭЦГ-ын Хар тамхитай тэмцэх хэлтсийн ажилтнууд нийслэлд хуяглан авчирсан байна.
Дашрамд дуулгахад, ХХЕГ-ын Хилийн тагнуулын газар, ЦЕГ-ын Эрүүгийн цагдаагийн газар хамтран улсын хилээр хар тамхи, мансууруулах бодис хууль бусаар нэвтрүүлж буй үйлдэлтэй тэмцэж байгаа ажээ.
