Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Ардчилсан хувьсгалын 32 жилийн ойг тохиолдуулан Монгол Улсын Ерөнхийлөгч Халтмаагийн Баттулга зарлиг гаргаж, өнөөдөр /2021.05.28/ Төрийн дээд цол, одон, медаль гардууллаа.
Энэ үеэр Монголын тайз, дэлгэцийн шилдэг жүжигчдийн нэг УДЭТ-ын жүжигчин, Соёлын тэргүүний ажилтан С.Болд-Эрдэнэд Монгол Улсын Гавьяат жүжигчин цол хүртээлээ.
Монгол Улсын Ерөнхийлөгчөөс Гавьяат жүжигчин цол тэмдэг аваад гарч ирэхэд нь баярын сэтгэгдлийн сонслоо.
Монгол Улсын Гавьяат жүжигчин С.Болд-Эрдэнэ“Төрд хөдөлмөрөө үнэлүүлж, Монгол Улсын Гавьяат жүжигчин цол тэмдэг хүртсэндээ баяртай байна. Намайг төрүүлж, өсгөсөн аав, ээждээ, баярлалаа. Би Улсын драмын эрдмийн театрт 20 гаруй жил ажиллаж байна. Улсын драмын эрдмийн театрын хамт олондоо, үзэгч түмэндээ маш их талархаж байгаагаа илэрхийлье.
Шагнал гардаж авах нь хүнд маш их урам өгдөг юм байна. Монголын ард түмэн, Монгол төрдөө маш их баярлалаа” хэмээн сэтгэгдлээ хуваалцлаа.
![](https://www.ugluu.mn/wp-content/uploads/2021/05/thumbnail-1-600x245-1-600x245-1-600x245-10-600x245.png)