А.Ариунзаяа: Хүүхдийн 100,000 төгрөгийг маргааш олгоно

Хөдөлмөр, халамжийн үйлчилгээний ерөнхий газраас долдугаар сарын хүүхдийн мөнгийг энэ сарын 20-нд олгох талаар мэдээлсэн билээ.

Тэгвэл энэ сарын хүүхдийн мөнгийг маргааш буюу долдугаар сарын 9-нд олгох болсон талаар Хөдөлмөр, Нийгмийн Хамгааллын сайд А.Ариунзаяа мэдэгдлээ.

Тэрбээр“Өчигдөр УИХ-ын нэгдсэн чуулганаар Монгол Улсын 2021 оны төсвийн тодотгол батлагдсан билээ.

Ковид цар тахлын үед ард иргэд, өрх гэр бүлийн орлого хамгаалах чиглэлд хүүхдийн мөнгөний хэмжээг тав дахин нэмэгдүүлсэн дүнгээр буюу 100 мянган төгрөгөөр 2022.01.01 хүртэл үргэлжлүүлэн олгох шийдвэр гарсан.

Сангийн яамтай зөвшилцөн маргааш буюу долдугаар сарын 09-нд хүүхдийн мөнгө олгох боллоо”гэлээ.