Хакүхогийн гайхамшиг үргэлжилсээр

Зургаан башё дараалж барилдаагүй ёкозүна Хакүхог энэ башёд зодог тайлна гэж бодож байсан сумо сонирхогч цөөнгүй. Тэгвэл их авар га маань харин ч эсрэгээрээ гайхамшгийг бүтээн, сумогийн ертөнцийг байлдан дагуулж байна.

Нагоя башёгийн 12 дахь өдөр тэрээр урьд нь 11 давж, дөрөв унасан сэкивакэ Митакэумиг барьцтай түлхэх буюу ёрикири мэхээр ялж, 12 дахь даваагаа авав.

Тэмцээнийг 12 даваа, нэг ч унаагүйгээр озэки Тэрүнофүжигийн хамт тэргүүлж буй Хакүхо 27 дахь удаагаа 12:0 гэсэн амжилт үзүүлсэн нь мэргэжлийн сумогийн дээд амжилт юм.

Өнөөдөр их аварга маань сэкивакэ Такаясутай тулна.