ЭМЯ:1497 хүнд (covid-19) халдвар илэрч, дөрвөн иргэн нас барлаа

Эрүүл мэндийн яамнаас коронавируст халдвар (covid-19)-ын нөхцөл байдлын өнөөдрийн /2021.07.21/ мэдээг танилцууллаа.

Улсын хэмжээнд сүүлийн 24 цагт 1497 хүнд коронавируст халдвар илэрлээ. Ингэснээр Монгол Улсын хэмжээнд нийт батлагдсан халдварын тохиолдол 151,230 боллоо.

Шинээр илэрсэн тохиолдлуудыг задалбал Улаанбаатар хотод 676, орон нутагт 803, зөөвөрлөгдсөн 18 тохиолдол бүртгэгдсэн байна.

Сүүлийн 24 цагт 3646 иргэн эдгэрсэн. Ингэснээр нийт эдгэрсэн хүний тоо 141,248.

Харамсалтай нь сүүлийн 24 цагийн хугацаанд дөрвөн иргэн нас барж, улсын хэмжээнд нийтдээ 749 хүн коронавирусийн халдвараар нас бараад байна.