Буудлага:О.Есүгэн 25-р байр эзэллээ

Токио-2020” зуны XXXII олимпын наадмын эмэгтэйчүүдийн хийн урт бууны 10 метрийн медальтнууд өнөөдөр тодорлоо. Энэ төрөлд цэц сорьсон залуу тамирчин О.Есүгэн 624 оноогоор 25-р байр эзлэв.

Манай тамирчин хувийн дээд амжилт болох 631 оноог авсан бол финалд шалгарч, цааш медалийн төлөө өрсөлдөж болохоор байв. 

БНХАУ-ын тамирчин Ян Чиан 251.8 оноогоор алтан медаль хүртсэн бол ОХУ-ын тамирчин Анастасия Галашина 251,1 оноогоор мөнгөн медаль, Швейцарын Нина Кристен 230,6 оноогоор хүрэл медаль тус тус хүртлээ. Ингэснээр “Токио-2020” зуны XXXII олимпын наадмын медалийн жагсаалтад хамгийн түрүүнд Хятад, Орос /олон улсын олимпын хорооны тугийн дор оролцож буй/, Швейцари улс тус тус бичигдлээ.