Хятадууд тэргүүлж байна

“Токио-2020” зуны олимпын 32-р наадам өнөөдөр гурав дахь өдрөө үргэлжилнэ. Хоёр өдрийн дараах байдлаар оролцогч 205 улсаас 40 нь ямар нэг медаль хүртжээ. Багийн дүнгээр зургаан алт, нэг мөнгө, дөрвөн хүрэл медаль хүртсэн хятадууд тэргүүлж буй бол зохион байгуулагч орон таван алт, нэг мөнгөтэйгээр дэд байрт бичигдсэн аж. Тэдний удаад АНУ (4 алт, 2 мөнгө, 4 хүрэл), БНСУ (2 алт, 3 хүрэл), ОХУ (1 алт, 4 мөнгө, 2 хүрэл) явна.

Харин манай улс нэг хүрэл медальтайгаар Израиль, Мексик, Словен, Швейцар, Эстоны хамт 35-40-рт бичигдэж байна.