Өглөө.мн Шинэ өглөө, Шинэ мэдээлэл
Монгол Улсын төрийн тэргүүнийг сонгох Ерөнхийлөгчийн сонгуульд АН-аас нэр дэвшээд буй Ц.Элбэгдоржийг сонгуулийн хууль зөрчсөн гэх шалтгаанаар МАН-ын зүгээс Шударга өрсөлдөөн хэрэглэгчийн төлөө газарт гомдол хүргүүлээд байсан юм.
Уг гомдлын дагуу ШӨХТГ-аас энэ асуудалд хяналт тавьж, хууль зөрчөөгүй гэсэн дүгнэлтийг гаргажээ. МАН-ын зүгээс ШӨХТГ-ын дарга О.Магнайд Ерөнхийлөгчийн сонгуультай холбоотой гурван гомдол ирүүлээд байжээ.
Тодруулбал, өнгөрсөн гуравдугаар сарын 21-ний өдөр МАН-ын Хэрэг эрхлэх газрын дарга Ч.Раднаасэдээс “NBS” телевизтэй холбоотой гомдол ШӨХТГ-т тавьсан. Тэд гомдлын дагуу ташаа мэдээлэл цацсан мэдээний албаны сэтгүүлч н.Майцэцэг, Т.Оюумаа нарт хариуцлага тооцож, нэг сарын цалинтай тэмцэх мөнгөн торгууль ногдуулсан байна.
Мөн Ерөнхийлөгчийн сонгуулийн тухай хуулийн 33.2-т зааснаар нэр дэвшигч Ц.Элбэгдорж нь “Монгол тулгатны 100 эрхэм” нэвтрүүлэгт оролцохдоо мөрийн хөтөлбөртэй холбоотой ямар нэгэн тайлбар хийгээгүй. Тиймээс хууль зөрчөөгүй гэсэн дүгнэлтийг ШӨХТГ-аас гаргасан байна.
