Чөлөөт бөх: Б.Хонгорзул Япон бөхөд ялагдлаа

Залуу тамирчин Б.Хонгорзул хоёр дахь барилдаанаа олимп, дэлхийн аварга япон бөх Рисако Кавайтай хийлээ. Эхний үед манай бөх сайн хамгаалж, идэвхийн нэг оноо л алдсан. Харин хоёрдугаар үед Рисако Кавай Б.Хонгорзулын хөлд орж хоёр хоёроор оноо түүсээр 7:0-ээр ялалт байгууллаа.

Хэрэв япон бөх финалд шалгарвал манай бөх Б.Хонгорзул дагаж барилдах эрхтэй болно. Тэрбээр хагас шигшээд олимпын аварга америк бөх Х.Мароулистай барилдах юм. Олимпын аваргуудын тулаан хэрхэн өрнөхөөс манай бөхийн цааш барилдах эсэх шалтгаалах болно.