Чөлөөт бөх:МУГТ Э.Бэхбаяр Ираны бөхөд ялагдлаа

Гавьяат тамирчин Э.Бэхбаяр олимпын дэвжээнд хийсэн хоёр дахь барилдаандаа Ираны бөх Резра Атрид 5:1-ээр ялагдлаа.

Хоёрдугаар үеийн эхэн гэхэд хоёр тамирчин шүүгчээс заасан идэвхийн оноо л аваад байсан. Энэ үед Иран бөх 2:1-ээр тэргүүлж байв. Нэгэнт хожигдож эхэлсэн манай бөх Э.Бэхбаяр оноо авахаар дайраад дутуудаж ардаа алдсанаар нэмж хоёр оноо алдан байдал хэцүүдэж ирсэн. Улмаар төгсгөлд дэвжээнээс гарч нэг оноо алдсанаар эцсийн дүндээ 5:1-ээр дийлдэв.

Ингэснээр Э.Бэхбаяр энэхүү Иран бөхтэй дөрөв барилдаж, гурав ялагдсан үзүүлэлттэй болж байна. Одоо Ираны Атри финальд шалгарвал манай бөхөд дагаж барилдах боломж гарч ирнэ.