Олимпын наадамд амжилттай оролцсон жүдо бөхийн шигшээ багийн тамирчид өнөөдөр эх орондоо ирнэ

“Токио-2020” олимпын наадамд амжилттай оролцсон Монголын жүдо бөхийн холбоо, үндэсний шигшээ багийн тамирчид өнөөдөр /2021.08.04/эх орондоо ирэхээр болсон байна.

“Токио-2020” зуны XXXII олимпын наадмын жүдо бөхийн төрөлд амжилттай оролцсон Монголын жүдо бөхийн холбоо, үндэсний шигшээ багийн тамирчид өнөөдөр 23 цаг 05 минутанд Төв аймгийн Хөшигний хөндийн олон улсын нисэх онгоцны буудалд газардах юм байна.

Эмэгтэйчүүдийн -48кг жинд МУГТ М.Уранцэцэг хүрэл, эрэгтэйчүүдийн -73кг жинд ОУХМ Ц.Цогтбаатар хүрэл, эрэгтэйчүүдийн -81кг жинд Саиед Моллай мөнгөн медаль хүртэж олимпын наадмын жүдо бөхийн төрөлд нийт оролцсон 128 улсаас 6-р байрт шалгарсан амжилттай эх орондоо ирж байна.