Чөлөөт бөх:М.Лхагвагэрэл хүрэл медалийн төлөө барилдана

“Токио-2020” олимпын наадмын чөлөөт бөхийн 125 кг-ын жингийн хагас шигшээ барилдаан боллоо.

ОУХМ М.Лхагвагэрэл хагас шигшээ барилдаанд АНУ-ын Гэйбл Стивесонтой хүч үзэв. Манай бөх Стивесонтой 2018 оны залуучуудын ДАШТ-д таарч 4:7-гоор ялагдаж байсан бол гурван жилийн дараа олимпын дэвжээнд дахин таарч 0:5-аар ялагдав.

Ингэснээр М.Лхагвагэрэл маргааш хүрэл медалийн төлөөх барилдаанд Туркийн алдарт аварга Таха Ахгуль, Кыргызстаны Айаль Лазаревийн ялсантай барилдана.