Өглөө.мн Шинэ өглөө, Шинэ мэдээлэл
“Токио-2020” олимпын наадмын эмэгтэйчүүдийн 57 кг-ын жинд Монгол Улсаа төлөөлөн оролцсон, Баянхонгор аймгийн 20 настай тамирчин Болдсайханы Хонгорзул хүрэл медалийн төлөө барилдаж шагналт тавдугаар байрт орлоо.
Дэлхийн томчуудтай анх удаа тэр дундаа олимпын дэвжээнд нүүр туллаа. Дөрөв барилдахдаа жингийнхээ хоёр лидер, олимп, дэлхийн аварга Японы Рисако Кавай, АНУ-ын Хелен Марулистай нэг хэсэгт багтаж, тэдэнтэй анх удаа гар зөрүүлж, аргагүй туршлага дутан ялагдаж медалийн үзүүрээс атгаад алдсан нь түүнд ямар их ирээдүй хүлээж байгааг тодорхой харууллаа.
16, 17 настайгаасаа чөлөөт бөхийн хүрээнийхэнд танигдаж эхэлсэн түүнд дахиад хэдэн олимп, олон ч Дэлхийн аварга шалгаруулах тэмцээн хүлээж бий.
Ердөө 10 гаруй хоногийн дараа болох залуучуудын ДАШТ-ий бүрэлдэхүүнд багтаад буй Б.Хонгорзулд алтан медальтай ирэхийн ерөөл өргөе.
