ДОРНЫН ЗУРХАЙ:Халуун эгэх улирал эхэлнэ

НАМРЫН ТЭРГҮҮН УЛААН БИЧ САРЫН ДОЛООН УЛААН МЭНГЭТЭЙ ХАРАГЧИН ТУУЛАЙ ӨДӨР

• Аргын тооллын: 2021.08.23, даваа гараг
• Билгийн тооллын: 16
• Үс засуулвал: Өвчин ирнэ
• Наран ургах, шингэх: 05.58-19.52
• Барилдлага: Идэр
• Шүтэн барилдлага: Хурьцахуй
• Суудал: Огторгуй

Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, улаа гаргах, хиншүү хярвас гаргах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Халуун эгэх улирал (6 цаг 38 мин)-д эхэлнэ. Үс шинээр үргээлгэх буюу засуулахад тохиромжгүй.