МҮОХ-ны тэргүүн дэд ерөнхийлөгч Б.Баттүшиг гавьяат тамирчин М.Анхцэцэгт хүндэтгэл үзүүллээ

Монголын Үндэсний Олимпын хорооны тэргүүн дэд ерөнхийлөгч, “Токио-2020” олимпын наадмын Монголын багийн ахлагч Б.Баттүшиг хүндийн өргөлтийн тамирчин, олимпын IV байрын шагналт М.Анхцэцэгийг хүлээн авч уулзан хүндэтгэл үзүүллээ.

Уулзалтын үеэр Монголын Үндэсний Олимпын хорооны түнш “Скайтел” групп М.Анхцэцэгийг болон хүндийн өргөлтийн спортыг “Парис-2024” олимпын наадамд дэмжин ажиллахаа илэрхийллээ. Мөн ирэх арваннэгдүгээр сард Перу улсын нийслэл Лима хотноо зохиогдох хүндийн өргөлтийн ДАШТ-д амжилттай оролцохыг хүсэн ерөөв.