Өглөө.мн Шинэ өглөө, Шинэ мэдээлэл
Жижиг, дунд үйлдвэрлэлийн сангаас энэ жил 166 иргэн, аж ахуйн нэгжид нийт 11 тэрбум төгрөгийн хөнгөлөлттэй зээл олгохоор болжээ. Мөн Хөдөлмөрийн яамнаас ЖДҮ-ийн хөнгөлөлттэй зээлийг хэрхэн олгох талаар иргэд, аж ахуй нэгжээс өнгөрсөн 10-р сарын 21-ээс энэ сарын нэгнийг хүртэл санал авч, тэдний саналыг өөрсдийн үйл ажиллагаанд тусгасан байна.
ЖДҮ эрхлэгчдэд олгох энэ удаагийн зээлийн санхүүжилтийг өмнөх зээлийн эргэн төлөлт, Хөгжлийн банкнаас бүрдүүлж байгаа аж. Үйлдвэрлэл эрхлэгчид уг зээлийг хүссэн арилжааны банкнаас авах боломжтой бөгөөд зээл авахад барьцаа хөрөнгө дутсан тохиолдолд Зээлийн батлан даалтын санд хандах боломжтой юм байна.
