Өглөө.мн Шинэ өглөө, Шинэ мэдээлэл
Өнгөрсөн амралтын өдөр Бельгийн вант улсад дугуйн мэргэжлийн 94 дэх Дэлхийн аварга шалгаруулах тэмцээн явагдлаа.
Тэмцээнд Монгол Улсаас ОУХМ С.Жамбалжамц ганцаараа оролцон, 110 км тасралтанд явахдаа 2 цаг гаруй эх орныхоо нэрийг дэлхийд таниулан 239 км замыг туулж, 94-р байранд эрэмбэлэгдсэн амжилт үзүүллээ.
Монголын дугуйчид Мэргэжлийн ДАШТ-д 2 дахь удаагаа оролцож байгаа ба энэ удаагийн уралдаанд С.Жамбалжамц идэвхтэй дугуйчдын хандалтаар 4-рт жагсчээ.
Мэргэжлийн ДАШТ-нд оролцохын тулд олимпод орохтой адил Монголын дугуйн холбоо нь дэлхийн шилдэг 50 улсад багтаж ордог. Тиймээс манай улсын дугуйн холбоонд олимпын 1 эрх байгаа бөгөөд одоо мэргэжлийн буюу Континенталь багаа байгуулан баталгаажуулж, 2-3 эрх авахын төлөө ажиллах шаардлагатай болжээ.
