Өглөө.мн Шинэ өглөө, Шинэ мэдээлэл
“Осло-2021” ДАШТ-ий дөрөв дэх өдөр эрэгтэйчүүдийн 97 кг-ын жинд 2019 оны насанд хүрэгчдийн Азийн АШТ-ий мөнгөн медальт, “Хангарьд” спорт клубийн тамирчин ОУХМ Өлзийсайханы Батзул дагах барилдаанд Македоны дагестаны легионер Магомедгажи Нуровыг 6:0-ээр илүүрхсэнээр хүрэл медалийн төлөө барилдахаар болов.
Ингэснээр манай бөх шөнө медальтай үлдэх эсэхээ шийдэх барилдаанд Азийн АШТ-ий алт, мөнгөн медальт, 23 хүртэлх насны дэлхийн хошой аварга Ираны Можтаба Голейжтэй хүч үзнэ.
Э.Гантуяа хүрэл медалийн төлөө барилдах эрхтэй боллоо
62 кг-ын жинд 23 хүртэлх насны ДАШТ-ий хошой хүрэл медальт ОУХМ Энхбатын Гантуяа өчигдөр АНУ-ын Кайл Мираклэд ялагдсан. Түүний өрсөлдөгч нь шигшээд шалгарснаар өнөөдөр дагах барилдаанд энэ жилийн залуучуудын дэлхийн болон Европын аварга ОХУ-ын Алина Касабиеваг 12:8-аар ялав. Ингэснээр тэрбээр манай цагаар шөнийн 00:00 цагаас хүрэл медалийн төлөөх барилдаанд Бразилын Лаис Нуньес Де Оливейратай хүч үзнэ.
