12 настай өсвөрийн шилдэг шатарчин Н.Содбилэгт сонирхогчдын ДАШТ-ий Дэд аварга боллоо

• 

Бүгд Найрамдах Грек Улсад зохион байгуулагдсан шатрын сонирхогчдын ДАШТ -нд манай улсаас таван тамирчин өрсөлдсөн билээ.

Тэмцээний 1700 хүртэлх олон улсын чансааны ангилалд манай улсын өсвөрийн шилдэг шатарчдын нэг, өдгөө 12 настай, сурагчдын дэлхийн аварга, ОУШХ-ны дэд мастер Н.Содбилэгт 1-2 байрыг ижил оноотой хуваан эзэлж, сонирхогчдын Дэлхийн Дэд аварга боллоо.

Түүнчлэн 1700 хүртэлх ангилалд өрсөлдсөн шатрын зүтгэлтэн Д.Лүндээжанцан 75 шатарчдаас 5 оноогоор 29-р байр, 2000 хүртэлх ангилалд өрсөлдсөн Б.Тэнүүнболд 54 шатарчдаас 5,5 оноогоор 10-р байр, М.Мандухай 5 оноогоор 17-р байр, 2300 хүртэлх ангилалд өрсөлдсөн Б.Халиун 35 шатарчдаас 3,5 оноогоор 29-р байр тус, тус эзэлж амжилт дүүрэн оролцлоо.

Баг тамирчид маргааш эх орондоо ирнэ.