Өглөө.мн Шинэ өглөө, Шинэ мэдээлэл
Монгол жүжигчдийн Холливудын ододтой хамтран тоглосон “Зэрлэгүүдийг хүлээхүй- /Waiting for the Barbarians/” киног Moviebox телевиз өнөөдөр /2021.11.01/ 22:50 цагаас гаргахаар болсон байна.
Нобелийн шагналт зохиолч Ж.Максвелл Күтзигийн “Зэрлэгүүдийг хүлээхүй” романаас сэдэвлэн бүтээсэн “Waiting for the Barbarians” киноны гол дүрд Жонни Депп, Роберт Паттинсон, Марк Райлэнс, болон монгол жүжигчин, загвар өмсөгч Б.Ганчимэг, туслах дүрд Монгол Улсын Ардын жүжигчин П.Цэрэндагва, Гавьяат жүжигчин Д. Гүрсэд, залуу жүжигчин Г.Дөлгөөн-Эрдэнэ нарын 14 монгол уран бүтээлч оролцон тоглосон билээ.
Жүжигчин, загвар өмсөгч Б.Ганчимэгийн хувьд “Waiting for the Barbarians” кинонд “Уугуул эмэгтэй”-ийн дүрд тоглосон бол Ардын жүжигчин П.Цэрэндагва морьт босогчдын толгойлогч, Гавьяат жүжигчин Д.Гүрсэд хэлмэгдсэн уугуул иргэн, залуу жүжигчин Г.Дөлгөөн-Эрдэнэ хоригдол хүүгийн дүрийг тус тус бүтээжээ.
“Зэрлэгүүдийг хүлээхүй- /Waiting for the Barbarians/” киноны Монгол улс дахь албан ёсны нээлт 2020.08.20-ны өдөр “Prime Cineplex” кино театр болсон юм.
