Өглөө.мн Шинэ өглөө, Шинэ мэдээлэл
Монгол Улсын Ерөнхийлөгч У.Хүрэлсүх зарлиг гаргаж, “Токио-2020” олимп болон паралимпын наадамд амжилт гаргасан тамирчин, дасгалжуулагчдад төрийн одон, цол тэмдэг гардуулахаар болжээ.
Ерөнхийлөгчийн зарлигаар “Токио-2020” олимпын наадмын хүрэл медальт, ДАШТ-ийн алт, мөнгө, хошой хүрэл медальт, Монгол Улсын Гавьяат тамирчин, Жүдо бөхийн Үндэсний шигшээ багийн тамирчин М.Уранцэцэг, “Токио-2020” паралимпын наадмын алтан медальт, Гавьяат тамирчин Э.Содномпилжээ нарт Монгол Улсын Хөдөлмөрийн баатар цол хүртээнэ.
Харин “Токио-2020” олимпын наадмаас мөнгөн медаль хүртсэн Сайед Моллай, хүрэл медаль хүртсэн жүдо бөхийн Үндэсний шигшээ багийн тамирчин Ц.Цогтбаатар нарт Гавьяат тамирчин цол олгохоор болжээ.
Шагналыг өнөөдөр 14:00 цагаас Төрийн ордонд гардуулна.
