Монголын цаначид Швейцарт бэлтгэлээ базааж байна

Бээжингийн өвлийн олимпын эрх авахаар өрсөлдөж байгаа цанын тамирчид Швейцарт бэлтгэлээ базааж байна.

Олон улсын хэмжээний мастер Б.Ачбадрах, Д.Мөнхгэрэл, А.Энхтуул, О.Золбаяр, Б.Номин-Эрдэнэ нар Швейцарын залуучуудын шигшээ багийн дасгалжуулагч Марко Айсеншмидийн удирдлага дор бэлтгэл хийж байгаа юм.

Манай цаначид арванхоёрдугаар сараас олимпын эрхийн оноо олгох цуврал тэмцээнүүдэд оролцож эхэлнэ. Тухайлбал, 12-р сарын 3-5-ний өдрүүдэд Олон улсын цанын холбооны цуврал тэмцээнд оролцох бол 12-р сарын 10-13-ний өдрүүдэд Давост болох Дэлхийн цомын ээлжит гараа,

12-р сарын 10-21-ний өдрүүдэд оюутны Дэлхийн аварга шалгаруулах тэмцээнд оролцох бол 12-р сарын 28-30-ний өдрүүдэд Олон улсын цанын холбооний ээлжит цувралд тус тус оролцохоор төлөвлөжээ.

Харин 2022 оны нэгдүгээр сарын 16-нд тамирчдын эцсийн чансаа гарсны дараа манай улс цанын төрлөөр хэдэн тамирчинтай Бээжингийн өвлийн олимпод оролцох нь тодорхой болох юм.