Өглөө.мн Шинэ өглөө, Шинэ мэдээлэл
Зүүн Азийн олимпын хороод /ЗАОХ/-ын зөвлөлийн хурал өчигдөр цахимаар болж, Зүүн Азийн залуучуудын II наадам 2023 оны наймдугаар сарын 12-19-ны өдрүүдэд Улаанбаатар хотноо спортын 12 төрлөөр зохион байгуулахаар шийдвэрлэв.
Дүрмийн дагуу наадам зохион байгуулах улсын Үндэсний олимпын хорооны тэргүүн ЗАОХ-ын Дэд ерөнхийлөгчөөр ажиллах заалттай. Үүний хүрээнд Монголын үндэсний олимпын хороо /МҮОХ/-ны Тэргүүн дэд ерөнхийлөгч, Олон улсын олимпын хорооны Гишүүн Б.Баттүшиг тус зөвлөлийн Дэд ерөнхийлөгчөөр, МҮОХ-ны Ерөнхийлөгчийн үүрэг гүйцэтгэгч Ч.Наранбаатар зөвлөлийн гишүүнээр тус тус сонгогдлоо.
