Улс тунхагласны өдрийн барилдаан болно

Улс тунхагласны түүхт 89 жилийн ойд зориулсан улс, аймгийн цолтой хүчит бөхийн барилдаан өнөөдөр 14:00 цагаас Монгол бөхийн өргөөнд болно.

1990 оноос хойш өнөөг хүртэл тасралтгүй зохион байгуулагдаж буй тус тэмцээн анх 1984 онд улс тунхагласны 60 жилийн ойд зориулан Спортын төв ордонд зохион байгуулж, 128 бөх барилдаж байжээ. Тус тэмцээнд дархан аварга Х.Баянмөнх түрүүлж, аварга Д.Хадбаатар үзүүрлэж байсан аж.

Харин өнгөрсөн жилийн барилдаанд 256 бөх барилдаж улсын арслан П.Бүрэнтөгс түрүүлсэн билээ.