Өглөө.мн Шинэ өглөө, Шинэ мэдээлэл
“25 дугаар суваг” телевизийн бэлтгэн хүргэдэг “21000” реалити шоу нэвтрүүлгийн 18 дахь цуврал энэ сарын 13-ний өдрөөс үзэгчдийн хүртээл болох гэж байна.
Корпорейт Конвеншн Центрт зочид буудалд 10 хонох хугацаанд хорин нэгэн мянгаар худалдаа хийж, хоол хүнсээ цуглуулах үүрэгтэй энэ удаагийн шоу нэвтрүүлэгт “Маск” продакшны жүжигчин СТА Ц.ГАНЗОРИГ, жүжигчин, 2021 оны Ази миссийн тэргүүн титмийн эзэн П.ШҮҮДЭРЦЭЦЭГ нар оролцжээ.
Нэвтрүүлгийн дүрэм ёсоор оролцогсод хорин нэгэн мянгыг 10 хоногт хэрхэн үр дүнтэй зарцуулж, хоногийн хоолоо хэрхэн залгуулах вэ гэдгийг үзэгчиддээ харуулж, хэн илүү мөнгөтэй үлдсэн нь шоуны ялагч болж, гурван саятай болох юм.
“Маск” продакшны жүжигчин СТА Ц.ГАНЗОРИГ, жүжигчин, 2021 оны Ази миссийн тэргүүн титмийн эзэн П.ШҮҮДЭРЦЭЦЭГ нарын хэн нь 10 хоногт 21000-г зөв зүйтэй зарцуулж нэвтрүүлгийн ялагчаар тодрох эсэхийг тун удахгүй үзэгчдийн хүртээл болох “21000” реалити шоу нэвтрүүлгээс харах л үлдлээ.
