Өглөө.мн Шинэ өглөө, Шинэ мэдээлэл
Энэ сарын 27-ны үдэш болж өнгөрсөн Аваргуудын лигийн “А”, “В”, “С”, “D” хэсгийн тав дахь тоглолтод “D” хэсэгт Германы “Бавари Мюнхен” клуб Оросын “ЦСКА”-г талбайд нь 3:1-ээр хожиж, Аваргуудын лигт 10 дараалж хожсон шинэ рекорд тогтоожээ.
Бусад хэсгүүдийн тоглолт:
“А” хэсэгт Английн аварга “Манчестер Юнайтед” Германы “Байер”-ыг төрөлх Леверкузенд нь 5:0-ээр бут ниргэснээр дараагийн шатанд өрсөлдөх эрхээ авчээ.
“В” хэсгээс плей-оффын эрхээ хэдийнэ өвөртөлчихсөн Испанийн эзэн хааны баг “Реал Мадрид” ээлжит хожлоо авсан бол Италийн аварга “Ювентус” хүснэгтийн хоёрдугаар байр луу дэвшлээ. Туринчууд сүүлийн тоглолтод Туркийн “Галатасарай”-тай тэнцэхэд л группээсээ хоёроор гарна.
“С” хэсэгт Ибрагимович, Кавани, Лавесси нарын хүчирхэг довтолгооны шугамтай Францын “Пари-Сен-Жермен” тоглосон баг бүрээ давамгайлан хожсон хэвээр байв. Грекийн “Олимпиакос”, Португалийн “Бенфика” хоёрын хэн нь хоёроор гарах нь сүүлчийн тойрогт шийдэгдэх нь.
