Долдугаар сарын өрнийн зурхай

Хонь

Энэ сард та азтай байж, бүх зүйл таны талд сайнаар шийдэгдэнэ. Үйл явдлын эрчимд хэт автахаас болгоомжил. Ингэснээр та өөрийн үндсэн хэрэгцээгээ хаягдуулж мэдэх юм. Замд тань олон саад бэрхшээл гарч, ахиц дэвшлийг тань удаашруулах хэдий ч зорилгынхоо төлөө хичээгээрэй. Сарын сүүлээр бухимдал ихсэх хандлагатай. Таны ажил мэргэжлийг хайртай хүн тань ойлгохгүйгээс болж харилцаанд асуудал үүсч болзошгүй.  Төрөлхийн сониуч зангаа ашиглаж, өөрийнхөө бүрэн нээгдээгүй хэсгүүдээ нээгээрэй.

Үхэр

Энэ сард санхүүгийн асуудлаа өөрөө л шийдэхгүй бол эцэг эх, ах дүүсээсээ ямар нэгэн тусламж харалтгүй нь. Танд хамгийн их хэрэгтэй ур чадвар бол бие даах чадвар юм байна. Сарын эхээр ажил хэрэг бага зэрэг хүндрэлтэй тулгарах боловч өдөр өдрөөр нөхцөл байдал дээрдэнэ. Сарын сүүл гэхэд та хэний ч тусламжгүйгээр замдаа таарсан аливаа саад бэрхшээлийг даван туулах боломжтой болох нь. Ерөнхийдөө энэ сар бол таны суралцах сар бөгөөд ирээдүйд энэ нь үр өгөөжөө өгөх юм байна. Та өөрчлөлтөд хойрго ханддаг байж магадгүй ч энэ сард алсын хараагаа тэлэх сар шүү.

Ихэр

Энэ сар сэтгэл хөдөлгөсөн амьдралын хэмнэл, хайраар дүүрэн байх нь. Хайр дурлал, ажил мэргэжил, хувийн зорилго, эрүүл мэнд гээд бүх зүйл хүссэнээр тань байх болно. Мөн та чамгүй алдар нэр, амжилт олох магадлалтай. Хувийн сахилга батыг сайтар баримталваас амжилт ойрхон байна. Ажил ихтэй байснаас болж хайртай хүнээ анхаарч чадахгүй байгаадаа таны санаа зовж байж мэдэх юм. Гэхдээ хайрт тань таны ололт амжилтаар чин сэтгэлээсээ бахархах болно. Өөртөө амрах боломж олгож, ном уншиж, дуртай зүйлдээ цаг гаргаарай.

Мэлхий

Энэ сард багагүй саад бэрхшээлтэй тулгарч, цаг хугацаа, эрч хүчээ зарцуулах нь. Гэхдээ эцсийн дүндээ ялалт таных байна. Шинэ сар аз жаргалтай эхэлж, аз жаргалтай дуусна. Эрүүл мэндтэй холбоотой бага зэрэг асуудал гарч болзошгүй. Эмчид үзүүлж, болж өгвөл уламжлалт эмчилгээ хийлгэвэл зохимжтой. Ингэснээр одоо байгаа өвчнөө эмчлээд зогсохгүй өөр өвчин тусахаас урьдчилан сэргийлнэ. Хувь хувьсгалын ажлынхаа тэнцвэрийг алдагдуулахгүй байх нь чухал. Эргэн тойрны хүмүүс хэн нь танд чин сэтгэлээсээ хандаж байна гэдгийг анзаар.

Арслан

Ажил хэргээ амжуулж, бүтээхийн тулд багагүй цаг хугацаа, анхаарал, хичээл зүтгэлээ зарцуулах сар. Заримдаа хэтэрхий их өөрийгөө дайчлаад байгаа мэт санагдаж магадгүй ч үүнд ер муу зүйл үгүй. Ажил их байсан ч ажлын хамтрагчидтайгаа харилцаа сайн байна. Цаг төлөвлөлтөө ухаалгаар хийж, үр бүтээлтэй байж чадвал бүх зүйл зөв гольдролоороо явна. Таны сэтгэл татам байдал хүмүүст таалагдана, хаа ч явсан та хамгийн ухаалаг нэгэн байх нь. Шинэ танилуудтай болохоос бүү татгалз. Хуучны найз нөхөдтэйгөө харилцаагаа сэргээж магадгүй.

Охин

Шинэ сар таны хайр дурлалын амьдралд эерэг өөрчлөлт, сэтгэл хөдлөлийг авчирна. Хэрвээ та ганц бие бол шинэ харилцаа үүсгэх боломжтой байна. Санхүүгийн байдал сайжирна. Ямар нэгэн шагнал урамшуулал авч болзошгүй. Энэ сард бүтээлч байж, дуртай зүйлээ хийгээрэй. Охины ордныхон байгалиасаа гайхалтай авьяаслаг, уран илтгэгчид юм. Энэ сард уран илтгэх чадвар тань тусаа өгч, ажлын хамтрагчдадаа сэтгэгдэл төрүүлнэ. Ирээдүйд багаа удирдаж, асар том зүйл дээр илтгэл тавьж магадгүй. Зарим зүйл дээр дуугүй өнгөрч чадахгүй өөрийгөө илэрхийлэх гэж хэт зүтгэхээс зайлсхий.

Жинлүүр

Энэ сард буяны үйлсэд мөнгө зарцуулбал сайн. Гэр бүлийн амьдрал тогтуун сайхан байж, бүгд таныг хүндлэх болно. Алсдаа ашиг тусаа өгөх ажил хэргийн аялал хийж магадгүй. Таны бизнес энэ сард урьд өмнө хэзээ ч байгаагүйгээрээ цэцэглэн хөгжих магадлал өндөр байна. Тэгвэл цаашид нэг их цаг зарцуулахгүйгээр бизнес тань өсөн дэвжинэ. Хайр дурлалын амьдралд ахиц гарч, хамтрагчаа илүү сайн таньж мэдэхэд цаг зарцуулна. Бухимдалтай үед хэрхэн тайван байхаа мэддэг нь таны давуу тал юм. Юу хамгийн чухал вэ гэдэгт дүн шинжилгээ хийж, сэтгэл санаагаа тэнцвэртэй байлгаарай.

Хилэнц

Санасан бүхнээ авч, сарвайсан бүхэндээ хүрэх сар. Таны аз од гийж байна. Ганц нэгхэн таагүй явдлыг эс тооцвол та бүтэн сарын турш тайван амгалан, хөгжилтэй байх болно. Сөрөг бодлуудаа хойш тавьж, өөрт чухал зүйлсдээ анхаарлаа хандуулаарай. Өнгөрсөнтэйгөө хэт их зууралдах хэрэггүй. Бусад харилцах харилцаандаа, гэрээ хэлцэл хийхдээ анхаараарай. Сарын сүүл үеэр санхүүгийн байдал сайжирна. Өөртөө итгэлгүй байдлаа бусдад харуулахын оронд сэтгэл доторхоо чөлөөтэй илэрхийлээрэй. Нуугдах нь бодит байдлаас зугтах зөв арга биш.

Нум

Танд л зориулагдсан гэмээр хөгжилтэй, адал явдалтай сар хүлээж байна. Дуртай зүйлээ хийж, хайртай хүнтэйгээ цагийг өнгөрөөгөөрэй. Долдугаар сар бол хайртай хүнээ илүү сайн таньж мэдэх сар тань юм. Та тодорхой хэмжээний ашиг олж, санхүүгийн хувьд аюулгүй байх нь. Таны анхаарах ёстой цорын ганц зүйл бол амьдралынхаа нарийн ширийн зүйлсийг хэнтэй хуваалцах вэ гэдэг юм. Хүн бүр таны өмнөөс баярлаж, амьдралыг тань чин сэтгэлээсээ сонирхоно гэж байхгүй. Зарим хүмүүс зөвхөн таны давуу талыг ашиглахыг хүсч байж магадгүй. Тиймээс хэнд итгэхдээ болгоомжтой ханд.

Матар

Энэ сард ажлын хамтрагчаасаа маш их дэмжлэг авна. Маш их хөрөнгө оруулалтыг шийдэх чухал алхмыг бизнестээ хийх шаардлагатай болно. Баримт бичиг, нарийн ширийн бүх зүйлд дүн шинжилгээ хийж, стратеги боловсруулахад маш их цаг зарцуулна. Энэ саржингаа, магадгүй дараа сард ч ажил ихтэй байх нь. Гэрээ хэлэлцээр, чухал хүмүүстэй хийх уулзалт гээд энэ сард тун онцгой байх нь. Эхлэх нь хэцүү байж магадгүй ч та нөхцөл байдлыг гартаа авч чадна. Ямар ч тохиолдолд эрх мэдлийн төлөөх тэмцлээс зайлсхийхийг хичээгээрэй.

Хумх

Та энэ сарыг сэтгэл хангалуун, талархал дүүрэн өнгөрөөх болно. Өмнө нь тодорхойгүй гацсан байсан зүйлс одоо л тодорхой болж эхлэнэ. Сэтгэл санаа хөнгөн, тайван байна. Бизнесийн зарим алдагдал таныг бухимдуулж мэдэх юм. Ингэснээр та урьд нь гаргасан шийдвэрээ эргэн нэг харах шаардлагатай болно. Бизнесийнхээ цоорхойг хайж олоход цаг заваа зарцуулах тул учиргүй үр бүтээлтэй ажиллана гэж найдаад хэрэггүй. Хэрвээ та үерхэж байгаа бол хайр дурлалын амьдрал тань хурдацтай, яг хүссэнээр тань өрнөж байна. Гэхдээ юунд ч яарах шаардлагагүй.

Загас

Ажил мэргэжил болон хувийн амьдрал аль аль нь тэнцвэртэй сайхан байх нь. Та өөртөө амрах цаг гаргаарай. Тодорхой бус нөхцөл байдлыг мэдэрч, түүнээсээ болоод ажлаа солих тухай бодол төрж магадгүй. Ажлын хамтрагчтайгаа үл ойлголцож магадгүй. Гэхдээ та тэднийг зөв чиглүүлж чадвал бие биенийхээ дутууг нөхөж, амжилт гаргах боломжтой. Аливаад бага зэргийн буулт хийж байхыг зөвлөж байна. Ажил дээрээ маш их зүйл шинээр сурч, хувь хүн талаасаа ч өсч дэвжинэ. Хайртай хүнтэйгээ харилцаа сайн байна. Энэ сар бүхэлдээ таны сар гэж ойлгоход болно.