Цагаан хулгана өдөр

Аргын тоололын 11 сарын 30-ны бямба гараг, билгийн тоололын өвлийн харагчин гахай сарын шинийн 27-ны  санчир гараг. 4 ногоон  мэнгэтэй, усан хөлөлтэй, үл тохирохуйн барилдлагатай цагаан хулгана өдөр. Өдрийн наран 8:36 цагаас мандаж, 17:16 цагт жаргана.

Эл  өдөр луу, бич жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Тухайн  өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, хүүхэд үрчлэн авах, хур оруулах, дарханы үйлд сайн. Улааны үйл, төлөг тавих, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал өлзийтэй сайн гэж  дорнын зурхайд өгүүлжээ.