Өглөө.мн Шинэ өглөө, Шинэ мэдээлэл
Америк, Герман, Солонгосын кино урлагийн салбарт Монголын залуус хүч сорих болсон. Тэдний нэг бол Өмнөд Солонгос улсад ажиллаж, амьдарч байгаа Болдбаатарын Нандин-Эрдэнэ юм.
Тэрбээр наймдугаар сарын 10-ний өдөр нээлтээ хийсэн Солонгосын А зэрэглэлийн жүжигчин Lee Jung-jae-ийн найруулсан “Hunt” уран сайхны кинонд орлон тоглогчоор ажиллажээ.
Орлон тоглогч, жүжигчин Б.Нандин-Эрдэнэ 2012 оноос эхлэн БНСУ-ын “Jump performance ” театрт ажиллахын хажуугаар Өмнөд Солонгосын “REVENGER”, “The king’s Affection” цуврал,” Hunt “, “Holy Night: Demon Hunters” зэрэг 20 гаруй кинонд орлон тоглогчоор ажилласан юм.
Түүнчлэн 2020 оны 9-р сард Монгол Улсад албан ёсоор нээлтээ хийсэн “Уолт Дисней- Walt Disney” кино компанийн бүтээл “Мулан” уран сайхны кинонд орлон тоглогчоор ажилласан билээ.
Дашрамд дурдахад Орлон тоглогч, жүжигчин Б.Нандин-Эрдэнэ нь есдүгээр сарын 9-нд нээлтээ хийх “Narco-Saints” уран сайхны кинонд орлон тоглогчоор ажилласан байна.
