Хүндийн өргөлт:О.Дархижав мөнгөн медаль хүртлээ

Бахрейны Манама хотноо болж буй хүндийн өргөлтийн Ази тивийн аварга шалгаруулах тэмцээний эмэгтэйчүүдийн 76 кг-ийн жингийн тэмцээн өчигдөр боллоо.
Энэ жинд О.Дархижав огцом өргөлтөөр ( -94, 95, 98) өргөж, мөнгөн медаль хүртлээ.

Дараа нь түлхэлттэй өргөлтөөр 115 кг ( 108, 115, -119) түлхэж, нийлбэрээр 213 кг амжилтаар дөрөвдүгээр байр эзлэв.
“Манама-2022” Азийн аваргад гавьяат дасгалжуулагч Ц.Хосбаярын удирдлага дор манай улсын дөрвөн эмэгтэй туйванч хүчээ сорьж буй бөгөөд дэвжээнд гарсан гурав маань гурвуулаа 59 кг-д Э.Энхтамир огцмоор мөнгө, 71 кг-д Г.Ануужин огцомд хүрэл, нийлбэрээр хүрэл, 76 кг-д О.Дархижав огцомд мөнгөн медаль хүртээд байна.
Харин өнөөдөр /2022.10.14/ -87 кг-ийн жинд Монгол Улсын гавьяат тамирчин, Дэлхийн аварга М.Анхцэцэг дэвжээнд гарах юм.