Өглөө.мн Шинэ өглөө, Шинэ мэдээлэл
Хууль зүй, дотоод хэргийн сайд Х.Нямбаатар цаг үеийн асуудлаар мэдээлэл хийлээ.
Тэрбээр “АТГ, ЦЕГ-ын хамтарсан ажлын хэсэг хууль бусаар буюу бүртгэлгүйгээр хилээр нүүрс гаргаж байгаа хэргийг шалгаж байгаа.
Нүүрсний гэх олон холбогдогчтой хэргийн мөрдөн шалгах ажиллагаа удахгүй дуусгавар болж, шүүхэд шилжинэ. Олон нийт сонор соргог анхааралтай ажиглах ёстой.
Шүүх дээр элдэв орон зай гарч, Хөгжлийн банкны гэх мэт дуулиант хэргүүд удаашрах, хэн нэгэн шалгагдахгүй үлдэх вий. Мөрдөх байгууллагууд олон холбогдогчтой эл хэргүүдийг бүхэлд нь шүүхэд шилжүүлэх ажлыг хийгээд дуусаж байгаа. Араас нь нүүрсний хэрэг шилжинэ гэдгийг хэлье” гэв.
