Чөлөөт бөх:МУГТ Б. Болортуяа “Загреб Опен” тэмцээнээс мөнгөн медаль хүртлээ

Дэлхийн бөхийн нэгдсэн холбооны чансааны оноо олгох эхний тэмцээн “Загреб Опен” хоёрдугаар сарын 1-5-ны өдрүүдэд Хорватын нийслэл Загребт боллоо.

Эмэгтэйчүүдийн 53 кг-ын жинд Монгол улсын гавьяат тамирчин Бат-Очирын Болортуяа мөнгөн медаль хүртэв.

Тэрбээр АНУ-ын Алиша Ховкыг 11:0-ээр, Унгарын Вивьен Матейг 12:2-оор, Молдавын Юлия Леордаг 3:3-аар, Канадын Диана Мэри Вейкерийг цэвэр дарж шигшээд шалгарсан.

Алтан медалийн төлөөх барилдаанд 110 барилдаанд дараалан ялалт аваад буй Японы залуу од Акари Фүжинамитай анх удаа нүүр тулж оноогоор цэвэр (0:10) ялагдсанаар үзүүрлэв.

53kg WW – Akari FUJINAMI (JPN) df. Bolortuya BAT OCHIR (MGL)

Монгол улсын гавьяат тамирчин Бат-Очирын Болортуяа гавьяат “Ranking Series” тэмцээнд гурав дахиа финалдсан бөгөөд өнгөрсөн жил Яшар Догу, Болат Турлыхановын нэрэмжит тэмцээнээс алтан медальтай ирж байсан юм.

Санал болгох мэдээ

Сагсан бөмбөгийн 3х3 эрэгтэй, эмэгтэй баг тамирчдад 500 сая төгрөгийн мөнгөн шагнал олгоно

Сингапур Улсад зохион байгуулагдсан 3х3 сагсан бөмбөгийн 2024 оны Ази тивийн аварга шалгаруулах тэмцээнээс Монгол …