Өглөө.мн Шинэ өглөө, Шинэ мэдээлэл
“Улаанбаатар-2023” Зүүн Азийн залуучуудын наадмын жүдо бөхийн тэмцээн үргэлжилж байна. Өнөөдөр эрэгтэй 3, эмэгтэй 3, нийт 6 жингийн барилдаантай.
Зүүн Азийн залуучуудын спортын наадмын жүдо бөхийн тэмцээний эмэгтэйчүүдийн 63 кг-ын жинд барилдсан Х.Маралмаа хагас шигшээ шатанд БНСУ-ын тамирчин Ян Жиёонтой учраа таарсан. Манай бөх хоёр вазари үнэлгээ алдаснаар цэвэр ялагдаж, хүрэл медалийн төлөө барилдахаар боллоо.
Мөн эрэгтэйчүүдийн -81 кг-ын жинд барилдсан Б.Данзанравжаа БНСУ-ын Ким Тае Вунтай барилдаж, вазари үнэлгээгээр ялагдлаа. Гэхдээ хүрэл медалийн төлөө барилдана.
Харин эмэгтэйчүүдийн +63 кг-ын жинд барилдсан манай улсын тамирчин Б.Тэргэлнаран Хятадын Тайванийн тамирчин Вен Чутай барилдаж, цэвэр ялагдлаа.
Эмэгтэйчүүдийн 57 кг-ын жинд барилдсан манай улсын тамирчин М.Цэндбазар хагас шигшээ барилдаанд БНХАУ-ын тамирчин Юү Ейнг Тай-тай барилдаж, цэвэр ялагдаж, хүрэл медалийн төлөө барилдахаар боллоо.
