3Х3 Сагсан бөмбөг: Монголын эрэгтэй баг АЛТАН медаль хүртлээ

“Улаанбаатар-2023” Зүүн Азийн залуучуудын наадмаас Монголын баг хоёр дахь алтан медалиа 3х3 сагсан бөмбөгийн төрлөөр хүртлээ.

Манай залуучууд аваргын төлөө БНХАУ-ын багийг 18:15 харьцаагаар буулгаж авав.Тоглолтод манай баг 0:6 гэж хожигдож эхэлсэн ч төгсгөлийг чамбай хийж, ялалт байгуулсан юм. Хоёр баг өчигдөр тааран тоглоход манайхан 21:17-гоор хожсон.

Өнгөрсөн хавар 3х3 сагсан бөмбөгийн  насанд хүрэгчдийн шигшээ баг Азийн аварга болсон бол энэ удаа дүү нар нь нутагтаа зохиогдсон Зүүн Азийн наадамд аваргаллаа.