Улаан морь өдөр

Аргын тоололын 12 сарын 6-ны баасан гараг, билгийн тоололын өвлийн дунд хөх хулгана сарын шинийн 4-ны сугар гараг. 7 улаан мэнгэтэй,  төмөр хөлөлтэй, шидийн барилдлагатай улаан морь өдөр. Өдрийн наран 8:40 цагаас мандаж, 17:10 цагт жаргана.

Эл өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Тухайн өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна гэж дорнын зурхайд өгүүлжээ.