Чөлөөт бөх: Д.Отгонжаргал өнөөдөр алтан медалийн төлөө барилдана

Чөлөөт, сонгомол бөхийн Дэлхийн аварга шалгаруулах тэмцээн Сербийн Белград хотноо зохиогдож байна.

Эмэгтэйчүүдийн 50 кг-ын жингийн хагас шигшээ барилдаанд Монгол Улсын гавьяат тамирчин Д.Отгонжаргал АНУ-ын Сара Хилдебрандтыг 7:5 оноогоор ялж, ДАШТ-ий аваргын төлөө Японы алдарт бөх Юи Сүсакитай өрсөлдөхөөр шалгарлаа.

Ийнхүү Монгол Улсын баг “Парис-2024” олимпын хоёр дахь эрхийг хүртэв. Д.Отгонжаргал одоогоос яг нэг жилийн өмнө Белградын дэвжээнд хагас шигшээд Хилдебрандтыг 6:2 оноогоор ялж байлаа.

Харин энэ оны долоодугаар сард Дэлхийн чансаа олгох Будапештийн тэмцээнд дахин таарахад 0:10 оноогоор Хилдебрандт ялсан билээ.