Тэрүнофүжи Г.Ган-Эрдэнэ 9 дэх удаагаа түрүүллээ

Мэргэжлийн сүмо бөхийн 2024 оны нэгдүгээр сарын Хацү башё өндөрлөлөө. Хацү башёгийн сүүлийн өдөр ёкозүна Тэрүнофүжи Г.Ган-Эрдэнэ озеки Киришима Б.Лхагвасүрэнг давснаар 13 даваа 2 унаатай болж сэкиваке Котоновакатай нэмэлт барилдаан хийж түрүүллээ.

Энэ сарын дээд зиндаанд Монгол бөхчүүд амжилттай сайн барилдлаа. Тухайлбал озеки Хошёорюү С.Бямбасүрэн (11:4), Киришима Б.Лхагвасүрэн (11:4), Тамаваши Б.Мөнх-Оргил (8:7) даваатай бүгд 50 аас дээш хувийн амжилттайгаар башёг өндөрлүүллээ.