Н.Хэрлэн, Н.Сэлэнгэ нар Мөсөнд авиралтын ДАШТ-ий анхны медалийг эх орондоо авчирлаа

Мөсөнд авиралтын дэлхийн аварга шалгаруулах тэмцээн Канадын Эдмонтон хотод хоёрдугаар сарын 16-18-нд болов.

 Тус тэмцээний эрэгтэйчүүдийн хурдны төрөлд Нямдоогийн Хэрлэн мөнгө, эмэгтэйчүүдийн хурдны төрөлд Нямдоогийн Сэлэнгэ хүрэл медаль хүртлээ.

Ах, дүү уулчид мөсөнд авиралтын ДАШТ-ээс медаль хүртсэн Монголын анхны тамирчид болж байна.

Н.Хэрлэн Ази тивийн аварга, дэлхийн цомын алтан медальтай бол Н.Сэлэнгэ тив, дэлхийн хэмжээний анхны медалиа хүртэж байна.