Өглөө.мн Шинэ өглөө, Шинэ мэдээлэл
БНХАУ-аас нийлүүлж буй “Монгол 93” шатахууны хэмжээг ирэх оны нэгдүгээр сараас эхлэн дөрөв дахин нэмэгдүүлэхээр болжээ.
Тодруулбал, манай улсад олборлож байгаа газрын тосны хэмжээ нэмэгдэж байгаа учраас Хятадаас нийлүүлэх шатахууны хэмжээг нэмэхээр Газрын тосны газар, Хятадын “Петрочайна интернэйшнл” компанийн хооронд дахин шинээр санамж бичиг байгуулсан аж. Санамж бичиг дагуу ирэх оноос эхлэн сард 30-40 мянган тонн шатахуун оруулж ирэх юм байна.
Дашрамд дурьдахад, Монголын газрын тосыг хятадад боловсруулж “Монгол-93” шатахууныг өнгөрсөн тавдугаар сараас эхлэн худалдаанд гаргасан бөгөөд сардаа 4-10 мянган тонноор шатахуун оруулж ирэх болсон билээ.
