Сургуулийн өмнөх боловсролын чиглэлээр мэргэжил эзэмшээгүй цэцэрлэгийн эрхлэгчийг халжээ

Нийслэлийн мэргэжлийн хяналтын улсын байцаагчийн 2013 оны 10 дугаар сарын 11-ний өдрийн 02-09-399/1640 дүгээр дүгнэлтээр сургуулийн өмнөх боловсролын чиглэлээр мэргэжил эзэмшээгүй болох нь тогтоосон БЗД-ийн 21 дүгээр цэцэрлэгийн эрхлэгч Т.Заяаг ажлаас нь чөлөөлөхөөр болжээ.

Тодруулбал, хууль бусаар тус цэцэрлэгийн эрхлэгчийн албан тушаалд ажиллаж байсан түүнийг халах нийслэлийн Засаг даргын захирамж гарсан банйа. Тиймээс 12 дугаар сарын 02-ны өдрөөс эхлэн үүрэгт ажлаас чөлөөлж, цаашид тус цэцэрлэгийн эрхлэгчийн сонгон шалгаруулалтын дүн гартал удирдлагын үйл ажиллагааг тасралтгүй хангах зохион байгуулалтын арга хэмжээ авч ажиллахыг нийслэлийн Боловсролын газрын дарга Ц.Отгонбаганад даалгасан ажээ.