Бөхчүүдийн сагсан бөмбөгийн аварга шалгаруулах тэмцээн болж байна

Биеийн тамир, спортын улсын хороо, Монголын үндэсний бөхийн холбоо, “Мөнгөн цагариг” клуб хамтран зохион байгуулж буй бөхчүүдийн сагсан бөмбөгийн аварга шалгаруулах тэмцээн Спортын төв ордны А зааланд энэ сарын 1-4-ны өдрүүдэд болж байна.

15 дахь удаагийн тэмцээний А хэсэгт улсын цолтой болон аймаг, цэргийн арслан цолтой 12 баг, Б хэсэгт аймаг, цэргийн заан, харцага, начин цолтой 12 баг өрсөлдөж байна.
Тэмцээний нээлтийн ёслол өнөөдөр 17:00 цагт болох бөгөөд ур чадварын болон 3 онооны шидэлтийн тэмцээн болох юм. Тус тэмцээнийг Биеийн тамир, спортын салбар үүсэж хөгжсөний 100 жилийн ойг тохиолдуулан зохион байгуулж байгаа билээ.

Тэмцээнд оролцож буй өндөр цолтой бөхчүүдийг нэрлэбэл, аварга О.Хангай, заан Б.Пүрэвсайхан, Б.Бат-Өлзий, харцага Ш.Пүрэвгарьд, Х.Гантулга, Г.Бадрах нар байна.
Одоогоор Өвөрхангай, Архангай, Увс, Завхан, Сүхбаатар, Булган аймгийн багууд хожил авсан. Энэ тэмцээн анх 2003 онд болоход дархан аварга Г.Өсөхбаяр ахлагчтай Архангай аймгийн баг түрүүлсэн бол сүүлд 2019 онд болоход улсын гарди Ж.Бат-Эрдэнэ ахлагчтай Говь-Алтай аймгийн баг түрүүлж байв.

 

Санал болгох мэдээ

Сагсан бөмбөгийн 3х3 эрэгтэй, эмэгтэй баг тамирчдад 500 сая төгрөгийн мөнгөн шагнал олгоно

Сингапур Улсад зохион байгуулагдсан 3х3 сагсан бөмбөгийн 2024 оны Ази тивийн аварга шалгаруулах тэмцээнээс Монгол …