Өглөө.мн Шинэ өглөө, Шинэ мэдээлэл
Гадаад харилцааны сайд Б.Батцэцэг Монгол Улсын Соёлын элчээр томилогдсон жүжигчин, продюсер А.Баярцэцэгийг хүлээн авч уулзан, Монгол Улсын Соёлын элчийн гэрчилгээг гардуулав.
Гадаад харилцааны сайд Б.Батцэцэг театрын урлагаар дамжуулан Монголын өв уламжлал, соёл, түүх, үнэт зүйлийг олон улсад таниулахад А.Баярцэцэгийг үргэлжлүүлэн идэвхтэй ажиллаж, Монгол Хаан жүжгийн гадаадын улс орнуудад толилуулах ажилд нь амжилт хүсэв.
А.Баярцэцэг нь Холливудын кино найруулагчидтай хамтран ажиллаж, Монгол Улсаа сурталчлахад тодорхой хувь нэмэр оруулахын зэрэгцээ Монгол Хаан жүжгийг Лондон хотын Колизеум театрт тоглуулах төслийг амжилттай хэрэгжүүлсэн.
