Өглөө.мн Шинэ өглөө, Шинэ мэдээлэл
Чөлөөт бөхийн “Парис 2024” олимпын эрх олгох Азийн бүсийн тэмцээн Киргиз улсын нийслэл Бишкек хотноо боллоо.
Тэмцээнд манай улсын эрэгтэй 6, эмэгтэй 4 тамирчин өрсөлдсөнөөс П.Орхон, М.Лхагвагэрэл, Б.Бат-Эрдэнэ нар Олимпын эрхээ хүртлээ.
Өнгөрсөн жилийн дэлхийн аварга шалгаруулах тэмцээнээс Д.Отгонжаргал, Э.Дэлгэрмаа нар мөнгөн медаль авснаар Олимпын эрхээ аваад байсан билээ. Ингэснээр Парисын олимпын чөлөөт бөхийн төрөлд Монголын 5 тамирчны эрх баталгаажив.
Манай чөлөөт бөхийн баг тамирчид ирэх тавдугаар сард Туркийн нийслэл Станбул хотноо Олимпын эрхээ хүртэх сүүлчийн тэмцээндээ ур чадвараа сорих болно.
Дашрамд дурдахад Монголын баг тамирчид одоогоор 6 спортын төрөлд Олимпын 13 эрх хүртээд байна.
