Парис-2024: Монголын багийн тэмцээн өнөөдөр байт харваагаар эхэлнэ

“Парис-2024” зуны олимпын наадмын байт харвааны төрөлд Ю.Ганзориг дасгалжуулагчтай Зэвсэгт хүчний Алдар спорт хорооны тамирчин, Азийн наадмын аварга, ОУХМ Б.Отгонболд өнөөдөр долоодугаар сарын 25-ны өдөр 20:15 цагт чансаа тогтоох тэмцээндээ оролцоно.

 ОУХМ Б.Отгонболд Азийн наадмын байт харвааны төрөлд Монголын тамирчдаас анхлан алтан медаль хүртсэн. Түүнчлэн Монгол Улсын аварга шалгаруулах тэмцээнд гурван ч удаа түрүүлж, 2015 оны дэлхийн цэргийн Их наадмаас холимог багийн төрлийн алт, 2018 оны Азийн цомын тэмцээний мөнгө, хүрэл медаль хүртсэн  билээ.