Өглөө.мн Шинэ өглөө, Шинэ мэдээлэл
“Парис-2024” зуны олимпын наадмын жүдо бөхийн эмэгтэйчүүдийн 48 кгд Абу-Даби-2024 Дэлхийн аварга шалгаруулах тэмцээний алтан медальт, Сүлд спорт хороо, Үндэсний шигшээ багийн тамирчин Б.Баасанхүү өрсөлдлөө.
Манай тамирчин эхний барилдаанд Мальтийн Е.Катринатай учраа таарч ялсан, хоёр дахь барилдаандаа Австрийн Катарена Танзерыг, хэсгийн аваргын төлөө Парагвайн Нарваез Габриелатай барилдаж ялсан. Улмаар шөвгийн 4-т Испанийн бөх Мартинез Абелендатай барилдан, нэмэлт цагт ЦЭВЭР ЯЛСНААР МӨНГӨН МЕДАЛИЙН БОЛЗОЛ хангасан.
Алтан медалийн төлөөх барилдаанд “Ханжоу-2022” Азийн наадмын аварга, “Доха-2023” дэлхийн аварга шалгаруулах тэмцээний алтан медальт Японы бөх Цунадо Нацумитай өрсөлдөж ялагдсанаар олимпын наадмын мөнгөн медаль хүртлээ.
