Жүдо: Өнөөдөр Л.Энхрийлэн, Б.Эрдэнэбаяр нар барилдана

 “Парис 2024” зуны олимпын наадмын жүдо бөхийн тэмцээн 7-р сарын 27-оос 8-р сарын 2-ний  өдрүүдэд явагдаж өндөрлөнө.

Өнөөдөр олимпын гурав дахь өдрийн барилдааны эмэгтэйчүүдийн 57 кг-ын жинд дэлхийн аваргын хошой хүрэл медальт, Ази тивийн аварга, Монгол Улсын гавьяат тамирчин Лхагватогоогийн Энхрийлэн, эрэгтэйчүүдийн 73 кг-ын жинд Тбилисийн их дуулгын аварга, ОУХМ Батзаяагийн Эрдэнэбаяр нар барилдана.

Өнөөдрийн хэсгийн барилдаан Улаанбаатарын цагаар 16.00 цагаас эхэлнэ. Финалын барилдаан 22.00 цагт болно.

Лхагватогоогийн ЭНХРИЙЛЭН /-57кг/

Төрсөн огноо: 1998.12.28

Байгууллага: ШШГЕГ-ын Сүлд спорт хороо, Үндэсний шигшээ багийн тамирчин

Анхны багш: Ц. Шийрэв

Онцлох амжилт: Дэлхийн аваргын хошой хүрэл, Ази тивийн аварга

Спорт танд ямар эерэг дадал суулгасан бэ: Жүдо бөхийн спорт надад маш олон эерэг үр нөлөө үзүүлсэн. Амьдралыг минь илүү их утга учиртай болгож өгсөн.

Таны мөрөөдлийн өдөр: Олимпын аварга болох тэр өдөр

Батзаяагийн ЭРДЭНЭБАЯР  /73кг/

Төрсөн огноо: 2000.05.03

Байгууллага: “Хилчин” спорт хороо, “Хангарьд” спорт клуб, үндэсний шигшээ багийн тамирчин

Анхны багш: Д.Наранбаатар, Ш. Бат-Орших

Онцлох амжилт: Тбилис их дуулга тэмцээний аварга

Спорт танд ямар эерэг дадал суулгасан бэ: Хайр, хүндлэл, ёс суртахуун

Таны мөрөөдлийн өдөр: Олимпын тэнгэрт төрийн дууллаа эгшиглүүлэх