Өглөө.мн Шинэ өглөө, Шинэ мэдээлэл
Финланд улсад зохион байгуулагдсан Практик буудлагын Дэлхийн аварга шалгаруулах тэмцээнд амжилттай оролцож, 2 алт, 1 мөнгөн медаль хүртсэн Шүүхийн шийдвэр гүйцэтгэх ерөнхий газрын Тусгай ажиллагааны газрын алба хаагчид эх орондоо ирлээ.
Дөрвөн жилд нэг удаа зохион байгуулагддаг тус тэмцээнд 35 улсын 827 тамирчин өрсөлдсөнөөс гар цэнэглэлттэй опен төрөлд Тусгай ажиллагааны газрын бүлгийн дайрагч С.Дашдэмбэрэл хувийн болон багийн дүнгээр тус тус нэгдүгээр байр эзэлж, алтан медаль, халз буудлагын төрөлд бүлгийн дайрагч О.Энхболд хоёрдугаар байрт шалгарсан юм.
Алба хаагчдыг Шүүхийн шийдвэр гүйцэтгэх ерөнхий газрын Хорих ял эдлүүлэх албаны дэд дарга, хурандаа Б.Цогжаргал, Тусгай ажиллагааны газрын дарга, хурандаа П.Отгонмөнх нар хүлээн авч, хүндэтгэл үзүүллээ.
