Өглөө.мн Шинэ өглөө, Шинэ мэдээлэл
Үндэсний статистикийн хорооноос мэдээллэснээр өргөн хэрэглээний бараа бүтээгдэхүүний үнийн өөрчлөлт болох инфляцийн төвшин 11 сард өмнөх сарынхаас 1,3 хувиар, оны эхнээс 11,1 хувь, жилийн өмнөхөөс 12 хувиар өссөн үзүүлэлт гарчээ.
Инфляци өсөх болсон нь хүнсний бараа, цахилгаан, түлш, ундаа, ус, гутал, орон сууцны үнэ өссөн нь шууд нөлөөлсөн байна. Мөн жил бүрийн өдийд түлш, цахилгаан, дулаан, усны бүлгийн үнэ өсдөг нь өмнөх оныхтой харьцуулахад өндөр гарч байгаа аж.
Сонирхуулахад, инфляцийн төвшинг тогтоохын тулд 320 гаруы бүтээгдэхүүнийг хэрэглээний улсын индексэд тооцож үүнээс хүнсний бараа, гэр ахуйн тавилга, эм, тариа, эмнэлэг, зочид буудал, боловсрол, шуудангийн үйлчилгээ зэрэг 12 бүлгийн бүтээгдэхүүн, үйлчилгээний үнийн өсөлт, бууралтыг инфляцитай уялдуулан тооцдог байна.
