“Этүгэн Ирвэсүүд” баг олон улсын сагсан бөмбөгийн тэмцээнээс аваргын цом хүртлээ

Олон улсын сагсан бөмбөгийн оюутны ДЭЛХИЙН ЦОМ-36 тэмцээн  БНХАУ-ын ЖИСИ хотод зохион байгуулагдлаа.

Тус тэмцээнд  Этүгэн Ирвэсүүд клубийн эрэгтэй 1-р шигшээ “Омни Этүгэн Ирвэсүүд” баг улсаа төлөөлөн  амжилттай оролцлоо.

8-р сарын 21-ний өдөр болсон аваргын төлөөх тоглолтод манай улсын тамирчид БНХАУ-ын Бээжин хотын Биеийн Тамирын их сургуулийн шигшээ багтай тунаж үлдсэн бөгөөд 69:43 онооны харьцаатайгаар өрсөлдөгчөө буулган авснаар аваргын цомын эзэд болжээ.

Тэмцээний дэд болон гутгаар байруудад БНХАУ-ын Бээжин хотын биеийн тамирын их сургууль болон ХУА ДОНГ их сургуулийн багууд тус тус шалгарсан байна.

Тоглолтын турш Э. Тулга, Б. Энх-Амар\ багийн ахлагч\, З.Нямцогт нар тус тус 20-с дээш оноо авч, амжилт үзүүлсэн байна. Мөн багийн бусад гишүүдийн маш сайн хамгаалалт болон самбарт давамгайлах чадварыг онцолж байна.

Багийн өнгөрсөн оны амжилтуудаас дурдвал:

1. Оюутны лигт 23 тоглолт
2. Зуны лигт 12 тоглолт
3. Насанд хүрэгчдийн УАШТ-д 10 тоглолт хийж дээрх 3 тэмцээний нийт 45 тоглолтод нэг ч хожигдолгүй буюу 45 удаагийн ялалтаар тус тус Аваргаар шалгарсан томоохон амжилтыг үзүүлжээ.